ᒪᓕᒐᓕᕆᔨ ᑰᐳᕐ ᐅᑭᐅᖅᑕᖅᑐᒥᐅᑕᐅᓯᒪᔪᖅ ᑕᐃᒪᙵᓂᑦ 1987-ᒥᑦ.  ᓯᕗᓪᓕᖅᐸᐅᓚᐅᖅᑐᖅ ᒪᓕᒐᓕᕆᓂᕐᒧᑦ ᑎᑎᕋᖅᑎᐅᑉᓗᓂ 1999-ᒥᑦ ᓄᑖᖅ ᒪᓕᒐᓕᐅᕐᕕᙳᓵᖅᑐᒧᑦ ᓄᓇᕗᒻᒥᑦ ᐊᒻᒪᓗ ᐱᔨᑦᑎᖅᓯᒪᔪᖅ ᐃᓂᐅᔪᒥᑦ ᖁᓕᓄᑦ ᐅᑭᐅᓄᑦ ᑎᑭᖦᖢᒍ ᑎᒃᑯᐊᖅᑕᐅᖕᒪᑦ ᓄᓇᕗᒻᒥ ᐃᖅᖃᖅᑐᐃᕝᕕᓕᕆᔨᒃᑯᓐᓄᑦ. ᒪᓕᒐᓕᐅᖅᑎᐅᓯᒪᑎᓪᓗᒍ ᐊᒥᓱᑲᓪᓚᖕᓄᑦ ᐊᐅᓚᑦᑎᓂᕐᒧᑦ ᐱᓕᕆᕝᕕᖕᓂᑦ ᐊᒻᒪᓗ ᐊᔪᙱᓐᓂᖃᖅᑐᓂᒃ ᐱᓕᕆᖃᑎᒌᓂᑦ.  ᐃᖏᕐᕋᔭᒃᓯᒪᔪᖅ ᐊᒥᓱᐃᖅᑕᖅᖢᓂ ᓄᓇᕗᒻᒥ ᐱᓕᕆᐊᓂ ᐱᔾᔪᑎᒋᑉᓗᒍ ᐊᒻᒪᓗ ᐃᖕᒥᓄᑦ ᓇᖕᒥᓂᖅ ᐱᔾᔪᑎᒋᑉᓗᒍ.  

ᒪᐃᑯᓪ ᕼᐃᐅᓴᓐ (Michael Hughson) ᐊᑯᓂ ᖃᒪᓂᑦᑐᐊᕐᒥᐅᑕᐅᓕᖅᑐᖅ ᐊᒻᒪᓗ ᐊᐅᓚᑦᑎᔨᐅᓚᐅᖅᓯᒪᔪᖅ ᓄᓇᓕᖕᒧᑦ ᐊᒻᒪᓗ ᒐᕙᒪᒃᑯᓐᓄᑦ ᐱᔨᑦᑎᕋᐃᔨᒃᑯᓐᓄᑦ.  ᒥᔅᑕ ᕼᐃᐅᓴᓐ ᓇᖕᒥᓂᖅ ᐱᓕᕆᐊᖃᕐᕕᒋᔭᖓᓂᑦ ᐊᑐᖅᓯᒪᔭᖏᓐᓂᑦ ᐃᓚᐅᔪᑦ ᐊᖓᔪᒃᖠᓄᑦ ᐃᓂᐅᖃᑦᑕᖅᑐᑦ ᓂᐅᕕᖅᑎᑐᖃᐅᓚᐅᖅᑐᑦ ᕼᐊᑦᓴᓐ ᐸᐃ-ᑯᓐᓂᑦ, ᓂᐅᑯᖅᑎᐅᓕᖅᑐᓂᑦ ᓄᐊᑦᐅᐊᔅ ᑲᒻᐸᓂᒃᑯᓐᓂᑦ ᐊᒻᒪᓗ ᓄᓇᒥᐅᑦ ᑲᒻᐸᓂ ᓕᒥᑎᑦ-ᑯᓐᓄᑦ.  ᒥᔅᑕ ᕼᐃᐅᓴᓐ ᐃᓚᒋᔭᐅᖃᑕᐅᓚᐅᖅᑐᖅ ᖃᐅᔨᓴᐃᓂᕐᒧᑦ ᐆᒃᑐᒃᑲᓐᓂᖅᑐᓄᑦ ᐱᓕᕆᔨᓄᑦ.  ᐊᑭᓕᖅᑐᖅᑕᐅᖏᖦᖢᓂ ᐃᑲᔪᖃᑦᑕᖅᓯᒪᓂᖓ ᐊᒻᒪᓗ ᓄᓇᓕᖕᒥᑦ ᖃᓄᐃᓕᐅᕐᓂᐅᔪᓄᑦ ᐃᓚᐅᔪᑦ ᐱᕈᖅᐸᓪᓕᐊᓂᕐᒧᑦ ᐱᕙᓪᓕᐊᓂᕐᒥᑦ ᑲᑎᒪᔨᐊᓛᓄᑦ ᐊᒻᒪᓗ ᐸᕐᓇᐃᓂᕐᒧᑦ ᑲᑎᒪᔨᐊᓛᓄᑦ, ᑕᒪᕐᒥᒃ ᓴᖅᕿᑕᐅᓯᒪᔪᑦ ᕼᐋᒻᓚᒃᑯᓐᓄᑦ ᖃᒪᓂᑦᑐᐊᕐᒥᑦ.  

ᔮᓐ ᒨᕆᔅ (John Maurice) ᐊᑯᓂ ᓄᓇᕗᒻᒥᐅᑕᐅᓕᖅᑐᖅ ᐊᒻᒪᓗ ᐃᓕᓐᓂᐊᖅᑎᑦᑎᔨᐅᕙᓚᐅᖅᑐᖅ.  ᒥᔅᑕ ᒨᕆᔅ ᐃᖅᖃᖅᑐᐃᔨᕋᓛᖑᓯᒪᔪᖅ, ᑲᓇᑕᒥᑦ ᓂᕈᐊᖅᑐᓕᕆᔨᒃᑯᓐᓂᑦ ᓂᕈᐊᖅᑐᓕᕆᔨᓄᑦ ᐊᖏᔪᖅᖄᖑᓯᒪᔪᖅ ᐊᒻᒪᓗ ᓂᕈᐊᖅᑐᓕᕆᔨᒧᑦ ᑐᖏᓕᕆᔭᐅᑉᓗᓂ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᓐᓄᑦ.  

ᒥᔅᑕ ᒨᕆᔅ ᖃᑉᓯᐊᕐᔪᖕᓄᑦ ᑲᑎᒪᔨᓄᑦ ᑲᑎᒪᔨᐅᓯᒪᔪᖅ ᐊᓯᖏᓐᓄᓪᓗ ᑎᒥᐅᔪᓄᑦ, ᐃᓚᐅᑉᓗᑎᒃ ᓄᓇᕗᒻᒥ ᐃᓕᓴᐃᔨᒃᑯᑦ ᑲᑐᔾᔨᖃᑎᒌᓄᑦ, ᓄᓇᕗᒻᒥ ᓄᓇᐅᑉ ᖄᖓᓂᑦ ᐱᔪᖕᓇᐅᑎᖃᖅᑐᓕᕆᔨᒃᑯᓐᓄᑦ, ᐱᓕᕆᔩᑦ ᐊᑐᖅᑕᐅᔪᓄᑦ ᑲᑎᒪᔨᓄᑦ, ᐃᖅᖃᓇᐃᔭᖅᑐᓂᒃ ᐃᑲᔪᖅᑕᐅᔪᓄᑦ ᑮᓇᔭᓕᐊᖏᓐᓄᑦ ᐊᑐᖅᑕᐅᔪᓂᒃ ᑲᒪᔨᒃᑯᑦ ᑲᑎᒪᔨᐊᓛᓄᑦ, ᑮᓇᐅᔭᓕᓂᐊᓄᑦ ᐃᑲᔪᐃᓂᕐᒧᑦ ᐆᒃᑐᒃᑲᓐᓂᖅᑐᓄᑦ ᑲᑎᒪᔨᐊᓛᓄᑦ, ᐃᖃᓗᐃᑦ ᐃᒡᓗᓕᕆᔨᒃᑯᓐᓄᑦ, ᐅᑭᐅᖅᑕᖅᑐᒥᑦ ᑲᑎᒪᔩᑦ ᐊᓯᐊᙳᖅᑎᕆᓂᕐᒧᑦ ᐊᒻᒪᓗ ᐃᒪᐊᓗᖕᓂᒃ ᓚᐃᓴᓐᓯᑖᖅᑐᓕᕆᓂᕐᒧᑦ ᑲᑎᒪᔨᓄᑦ.  ᒥᔅᑕ ᒨᕆᔅ ᐊᑭᓕᖅᑐᖅᑕᐅᖏᖦᖢᓂ ᐃᑲᔪᖅᓯᒪᔪᖅ ᓄᓇᓕᖕᒥᑦ ᖃᓄᐃᓕᖅᑎᑦᑎᓂᖃᖅᑎᓪᓗᒋᑦ ᐃᓚᐅᑉᓗᑎᒃ ᐱᓕᕆᐊᖃᕐᓃᑦ ᑲᒪᑦᓯᐊᖅᑐᑦ ᓄᓇᕗᑦ ᐃᑲᔪᖅᑕᐅᔪᒪᔪᓄᑦ ᐅᖃᓗᒡᕕᐅᕝᕕᖕᒧᑦ, ᐃᖃᓗᖕᓂᑦ ᓄᓇᓕᐸᐅᔭᐅᑉ ᑐᓂᒃ ᑕᐃᒻ-ᑰᓐᓄᑦ ᐊᒻᒪᓗ ᓯᐊᕐᕆᔮᕋᓚᔪᓄᑦ ᓄᓇᕗᒻᒥᑦ.