Qulit ukiut naapata Nunavunmi Maligaliurvik ingmikkut unalu ikayuiniqalaittukkut Nunavumi Niruarviuyukhat Kigligiyakhaitigut Katimayitaaqtaqtut ihivruigiami taimait niruarviit unalu qauyilugit Nunavummiunit ihuaqtukkut kivgaqtuiniqariami maligaliurvingmit.
Katimayiit maliguaqtut Niruaqtuliqinirngmut Maligarngmit unalu Kangirhidjutiit Maligaliurvingmit pihimayut. Ihumakhautigilugit nunauyuq, qaffiuningit inuit ahidjiqhimania, nunalip piumayait, Inuit Qauyimayatuqangit, ahiillu pidjutait pitqulugit ahidjiqtuqatukhautaukpata kivgaqtauvviit hivunirngmi Nunavunmi niruarniuyunut.
Katimayiit kitittihimaliqqata ilittirutinik unalu tuhaahimalugit Nunavummiutait, unipkaaliuqtaqtut Maligaliurvingmut uqaqhimaplugit hunaliqqaat pitquyauyut ahidjirlugit qaffiuniat, avikhimaniat, uvvaluunniit atingit kivgaqtauvviit atuqtukhauyut Nunavumi niruarniarlutik. Hunaliqqaat ahidjiqtut titiqhimayut uuktuut maligakhaliarngmit Uqaqtimut, unalu maligakhaq Maligaliurvingmut tuyuqhugu atuliqtauyukhauninganut.
HIVUANI KATIMAYIUHIMAYUT
Pingahunik Nunavumi Niruarviuyukhat Kigligiyakhaitigut Katimayitaqaqhimayuq Nunavunmut.
Hivulliq Nunavumi Niruarviuyukhat Kigligiyakhaitigut Katimayinngulauqtut 1997-mit. Katimayiit pitquyiyukhaqarlutik niruarngnirngmut kiglikhanik hivulliqpaaq niruarngnauyumut Nunavumi, April 1, 1999-mit. Katimayiit pitquyait Maligaliurvingmuaqhugu Nunattiarngmit, pitquyiniarlutik kavamatuqakkut Ministamut Indian unalu Ukiuqtaqtumi Kamayikkunnut unalu kingulliqpaakkut ihumaliurluni niruarngnirngmut kiglikhanut.
Katimayiit pitquyauhimayut malruuk atuqtauyumayunik:
- 10-nik uvvaluunniit 11-nik kivgaqtauvvingnit, malruuk maligaliuqtiqarluik
(10 uvvaluunniit 11 kivgaqtauvviit tamaat malruuk maligaliuqtinut, 20 uvvaluunniit 22 maligaliuqtiqarlutik): - 20 – 22 kivgaqtauvviit, atauhiq maligaliuqti.
Katimayiit pitquyihimayut 20-nik maligaliuqtinit, atauhiq maligaliuqti atauhiq kivgaqtauvvingmut. Pingahuanit ihumagiyaqaqhimayut, tainiqalaitkaluaquq piyakhanit, pitquyauttailimanngihuni ihumakhaqhiurutainut.
Kingulliq pitquyait Katimayiit 17 maligaliuqtiit, atauhiq tamaat kivgaqtauvvingnut.
Katimayiit unipkaangat tuyuqtaulauqtuq Maligaliurvik Nunattiarmi. Uqaqatiqaqhimalauqhutik Nunavumi hivuliqtinit, Maligaliurvik Nunattiarmi pitquyilauqtut 19 maligaliuqtinik, atauhiq maligaliuqti kivgaqtauvvingmut. Pitquyait angiqtauhimalauqtuq kavamatuqakkut Ministamut Indian Kamayinut unalu Ukiuqtaqtumit Pivalliayukkunnut. Hapkua, hivulliq Maligaliurvik Nunavunmi 19-nik maligaliuqtiqarhutik atauhiq kivgaqtauvvingmut.
Tuglia Nunavumi Niruarviuyukhat Kigligiyakhaitigut Katimayiit 2006-miulauqhuni.
Unipkaangat tuyuqtauhimayu Maligaliurvingmut, unalu, ihumakhaliurutauhimapluni, unipkaaq qinngiqtaulauqtuq. 19 maligaliuqtiit hunnginngiqhutik.
Pingayuani Nunavumi Niruarviuyukhat Kigligiyakhaitigut Katimayiit 2011-mingulauqtuq. 19-nit 22-nut pitquyiplutik maligaliuqtinik. Pitquyait angirutaulauqtuq unalu qaffiuningit maligaliuqtiit maligaliurvingmit 22-nguqhutik.
Maanali Katimayiit hitamagiyai Nunavumi Niruarviuyukhat Kigligiyakhaitigut Katimayiit Nunavunmu. Piyakhait atqiilutik Kangirhidjutimit. Katimayiit ihumagilugit kiglingit 22-nut maligaliuqtilik maligaliurvingmut unalu, qanurittuugaluaqpat 23 kigligilugu maligaliuqtiit.